Имшаб чи шабе, ситораборон бинед,
Ҳангомаи васли дӯстдорон бинед.
Имшаб Маҳу Хуршед ба дидор расанд,
Ёрон, ёрон, қирони ёрон бинед.
* * *
Хезед зи ҷо, ки ошиқон меоянд,
Домоду арӯси шодмон меоянд.
Имшаб ду ҷавон бағал кушоянд ба ҳам,
Ё дар бағали бахти ҷавон меоянд.
* * *
Имшаб ду баҳор бехазон хоҳад шуд,
Имшаб ду ситора ҳамқирон хоҳад шуд.
Имшаб ду ниҳоли боғ пайванд шавад,
Фардо нигаред, гулфишон хоҳад шуд.
Дида шуд: 218