Об ҷорӣ мешавад дар ҷустуҷӯи пахтазор,
Сабз мегардад аз оби сард ҷӯи пахтазор.
Қатраҳо якҷоя гашта рӯд савғо мекунанд,
Рӯд орад муждаи ҳосил ба сӯи пахтазор.
Тирамаҳ ояд агар оянд мардум сафзада,
Аз барои чидани пахта ба тӯи пахтазор.
Дар саҳаргоҳон дурахшон аст чун лӯълӯи тар,
Шаддаҳои донаи шабнам ба рӯи пахтазор.
Вақти гул гардад ба гирди пахта занбӯри асал,
Беҳтар аз ӯ кас надонад рангу бӯи пахтазор.
Дида шуд: 417