Теғи мижгон ба хуни ишқбозон тез кун,
Ғамзаромдар қатли покон ханҷари хунрез кун.
Бо чунин шакли пурошӯб о бурун як бомдод,
Шаҳрро дармондаӣ ғавғои растохез кун.
Талхкомам аз турушрӯии ту баҳри худо,
З-он ду лаб як хандаи ширини шӯрангезмкун.
Зоҳидо, гар бор хоҳи дар сафи дурдикашон
Субҳа бифган в-аз сабӯи бода дастовез кун.
Хуфтаам чун чашми ту бемор, пурсиш кун маро,
Шарбати бемориям аз лафз шаҳдомез кун.
Менишонам з-остонат аз сиришки дида гард,
Хуни ноб аст ин на об, эй ҷон, аз ин парҳез кун.
Шуд Ҳарӣ, Ҷомӣ, зи зулми ғамзаи туркон хароб,
Рӯй дар маҳрусаи Шероз ё Табрез кун.
Дида шуд: 232