Қабри инсон чист? Қабри ҷустуҷӯст.
Қабри инсон нест, қабри орзуст.
* * *
Мурдаи дарёдилон шодоб созад хокро,
Мурдаи модар чу фарзандаш навозад хокро.
* * *
Мурда гар боқадр, гӯристон гулистон мешавад,
Мурда гар беқадр, Азроил пушаймон мешавад.
* * *
Фарёд кунам, посухи фарёдрасам нест,
Фарёд, ки дар ҳар ду ҷаҳон ҳамнафасам нест.
* * *
Аз хушии мо ҳасудон нохушанд,
Мо намемирем, моро мекушанд.
* * *
Ҷоме ба ҷои мақбара
Дар гӯри ман авло бувад.
Гар пур нашуд аз май, чӣ бок,
Аз оби найсон пур шавад.
* * *
Мурдаи гумном гумномии аҷдодон бувад,
Мурдаи боном ободии гӯристон бувад.
Зиндааш гар сохт шаҳру деҳ барои дигарон,
Мурдааш обод созад гӯрҳои дигарон.
* * *
Дунёву ниёзу тамааш мегузарад,
Хоҳӣ ҳамарову ҳамааш мегузарад.
Дида шуд: 215