Хонаат ободу дил вайрон чаро?
Мансабат доною худ нодон чаро?
Аз сари минбар ба гардун мепарӣ,
Пушти минбар музтару ҳайрон чаро?
Бо кабирон хандаҳоят равғанӣ,
Бо сағирон ин қадар явғон чаро?
Бебаҳоӣ дар сари маснад вале,
Чун сабукдӯшат кунанд, арзон чаро?
Дар баландиҳо чунин пастигарӣ,
Ошноият ба ошу нон чаро?
Ҳеҷ пурсидӣ зи худ дар хилвате,
Ин ҳама чунин чаро, чунон чаро?
18.6.1977
Дида шуд: 215